• Skip to primary navigation
  • Skip to main content
  • Skip to primary sidebar

THALMUAL.COM

Motto: "Love One Another" John: 15:12

Motto: "Love One Another" John: 15:12 About Us
  • Home
  • Article
  • Khua Tangthu
  • About Us
  • Contact Us

Thalmual Innkuan Indianapolis Khuado pawi Siimna

By Thalmual on October 20, 2018 0

Share1
Tweet
1 Shares

Thalmual Innkuan Indianapolis Khuado pawi Siimna

Indianapolis a teeng khua makai te hong sapna tawh kizui in, September 1, 2018 (Saturday) ni-in ka teenna Nashville khuapi pan ka zi Nu Nem leh ka tapa te uh Tg. Sian Kim, leh Tg. Lian Sang in mawtaw hong hawl sak in Khuado pawi ka siim thei uh hi. Topa hehpihna tawh lam kalah haksatna om lo in tai 280 (miles) bang paina Indianapolis khuapi ka tung thei uh hi. Indianapolis ah na teeng masa pa Peter Mungpi (2011) inn ah vai hong ki tungsak in keelsa sungkua leh meh alim tuamtuam te nekhawm in gil hong vah sak mahmah uh hi. Holim na nuamtak ka zatkhop khit ciangun thu ngenkhawm in giahna ding mun hong kiseh sakna pa Khaiboih inn ah tawlnga dingin kazuan phot uh hi.

Indiana state ka muhzia tawm

Indianapolis khuapi ah milip buppi 872,680 kiim om in, Thalmual khuami 55, mokhak innkuan 7 na teeng uh hi. Leitang omzia zanggam suah in lampi te zong tang leh zat cingsak mahmah uh hi. 2,300,000 acres leitang vaimim ciinna in zang uh hi. Kawlgam mite sung pan van zuakna (grocery), ansai (restaurant), mawtaw zuakna (dealer) cih te tawh sum zonna nei thei tampi om in, a hizong in company nasem (employee) kitam pen hi. Khua lam mah bangin pawlpi zong eimau zat pau leh nam ciat tawh biakpiakna piakhawm uh hi.

September 2, 2018 (Sunday) zingsang ciangin inntek ten zingtung an (breakfast) lim mahmah hong bawl uh hi. Hun kipatma zingsang lamteng in khuapih te innte ah hawhin thu ngetpih ding ka lunggulh uh hi. Tg. Lalpi te inn, pa Kap Thang, leh pa Sut Piang te innthak pha man in thu ngetna zong nuamtak ka nei khawm thei uh hi. Inn leikhin a dang inn nga te ka phak nop uh hangun hunbawlna kipat ding hong naita hi. Pa Thang Suan leh pa Khaiboih te nupa thusiam hangun ansai Mini Restourant ah an lim mahmah tawh zingan hong nekpih uh hi.

Nitak lam nai 5:00pm in hun bawlna ding mun pa Peter Mungpi inn lam ka ma nawhta uh hi. Pa Sum Thang hong makaih na tawh thu kikupna (meeting) tomno ki nei masa in, “A (2) veina Thalmual Crusade & Camp” neih kik baih dingin ki lunggulh mahmah tek hi. Hunpi bawlna tawh kizomto suak pah in lasak na, thu genna tuamtuam te ki nei hi. Hih hun sungah thupi kasak deuh namthum te; (a) makai pa Thangsuan thu ngetna tawh, “Thalmual Pilna Sawm” ading MMK 900,000/- tawh panpih in khah khiatna nei uh hi. (b) makai te zodial khat ta awksak in zahtakna leh pahtawina piakna bawl uh hi. (c) kum khat sung sepna te pulakna ah cimawh te a panpihna uh kaza kha aa nasep nate uh lian thei kasa mahmah hi.

Hun bawlna nuamtak zawh khit ciangin KHUADO an tanu te huansa a lim mahmah kine khawm hi. Nitak an nekkhit teh pawisiim teng tawh maan (photo) kila khawm ngeingai ka mankhit ciangun cidam kimu kik ni ci-in khut kilen in ka kikhen ta uh hi. Nashville lam zuanin ka ciah uh a, cidam in inn lum ka tungkik uh hi. Tutung ka zinna ding uh hongsam khua makai te, zin hong do, hong buaipih Indiana khuapih tuipih khempeuh tungah ka lung uh dam mahmah hi. Topa’n thupha hong pia kimciat ta hen. Amen

(Thalmual Innkuan Indianapolis Khuado pawi ni thugen nate lai tawh gelh kikna)

Pupa hun lai Khuado, leh Tuhun Khuado etkakna

Zomi ten kum khat in pawi thupi nih kinei hi. Tuate min in Sialsawm, leh Khuado ahi hi. Sialsawm hun lopawi khit April kha sung hi-in, Khuado hun in tuuk an lakkhit September (or) October kha sung kibawl hi. It leh ngaih te tawh innkuan thum, nga, etc,… bang kipawl in kalkhat sung bang ki omkhawm thei hi. Tuuk tuncil ahihmanin zuu kitulh sa kibak zo in a nop pen hun sung ahi hi.

Khuado khiatna, a deihna

1. Khuado hun sungin innsung khuasung siansuahna kinei hi. Dawi leh kau te hawlkhiat na kinei in innsung bemkawm innnuai leh sumhtawng te ciang tawh kisat in, “dawi aw, kau aw, na ni na hun cingta hi. Taikhia in na zun na ek nasia taikhia! taikhia!” ci-in ki hawlkhia gawp hi. Tua bangin meikhuah tawh kelkong lam dengin, “tai khiata ei.” ci uh hi. Khua sung munsiat na teng zong tua bang mah in ki siansuah hi.

⦁ in zong eimau sung a om gitlohna, muhdahna, leh mawhna tawh kipawl dawimangpa lungsim hoihlo te a om leh ih ki siansuah ding ahi hi. Innkuan sung, khuasung, leh ki pawlna te ah a hoih lo nate ki siansuah in Zeisu khazih itna lungsim neih ding ahi hi.

2. Khuado ni-in zin leh leng te an leh tui tawh do in navak uh hi. Khat leh khat an kikholh in a mau inn ciat pan anne zuusiim dingin na kisam uh hi. Nupi te’n a si sate phawkna in han ah daihawh in sasin, salung, leh zuu leh sate vapuak uh hi.

⦁ Zin leh leng midangte nekngaih ding thupi ahihna hong lak uh hi. Vantung mite zong zin kido kha thei hi.

Pawlpi kilaih thei aa, Khua kilaih theilo

Pawlpi thupi lo a ci nuam kahi kei a, thu tuamtuam leh upna thu te hangin kilaih thei hi. A hi zongin khua leh tui hihna kilaih thei lo hi. A gentehna in kawlgam sungah tedim, kawlpi, pyidawtha, sawbua, mandalay, yangon leh gam dang America, Canada, Norway, Denmark, Germany, and Australia mun tuamtuam ah na piang zongin nang pen Thalmual khua mi mah nahi hi. Thalmual te ut loh manin khua dang min khatpeuh ki telthei tuanlo hi. Pasian hehpihna thupha tawh khua leh tui sung pan zato siavuan lam, ki ukna galkap lam, sum bawlna lam, biakna lam, leh pilna siamna nei madawk tampi mah ki om khin ta hi. Hih te in khua leh tui vang hong pia te ahi uhhi.

Pasian thupha tawh gam lian mun thupi te ah tampi tung in ih teeng khinta hi. Ih thupha te zatsiam kepsiam ding hong thupi mahmah hi. Mimal khat hoihna hangin min phatna ki kingah theih bangin, mi khat siatna hangin zong min daina kingah thei hi. Leitung mun tuam gam tuam ah ih teeng zongin ih lamh kiatna, ih pu ih pa lutang te ki phumna mun, leh ih gamh ki luah sutsut na (legacy) Thalmual khua mah ki-it in ki ngai mahmah hi. Gamdang tungsa ten kawlgam ih hawh ciangin inntekna ding leh ki saktheihpih ding mun pen khua leh tui mah na hi ding hi. Khua leh tui ki itna ih neih ngeina hoih Khuado pawi te kemcing dingin khangthak tuailai te tungah ki vaikhak phapha ih hihi. Rev. Thawng Ngaih Khup

Related

Share1
Tweet
1 Shares
Previous Post: « Thalmual gamleitang supna lianpi hong tunna leh puahphat kikna

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

Adang Articles tuamtuam te…

Hausa sem masa te ~ Pu Thong Kho Gin (1940 – 1948)

Hausa sem masa te ~ Pu Thong Kho Gin (1940 - 1948) Sukte khangsimna pan khang (14) na Beh : Sukte Suak : Pianna : Pu Vum Pau le Pi Ciang Mang Unau : Pasal 3 lak pan a neu pen Teenna : … Read more about Hausa sem masa te ~ Pu Thong Kho Gin (1940 – 1948)

Hausa sem masa te ~ Pu Vial Za Do (1939 – 1940)

Hausa sem masa te ~ Pu Vial Za Do (1939 - 1940) Pu Dam Pum dam loh hunsung kum khat donghu Hausa Pu Vial Za Do (1939 - 1940) Beh : Halkik Suak : 1910 Unau : Pasal 2, numei 3 lak pan a upa … Read more about Hausa sem masa te ~ Pu Vial Za Do (1939 – 1940)

Hausa sem masa te ~ Pu Dam Pum (1929 -1939)

Hausa sem masa te ~ Pu Dam Pum (1929 -1939) Pu Dam Pum (1929 - 939) Beh : Halkik Suak : ??? Unau : Pasal 3 le numei lak pan?... Teenna : Thalmual Pianna : Pu Pau Vial le Pi Niang Mante’ tapa u … Read more about Hausa sem masa te ~ Pu Dam Pum (1929 -1939)

Kum 100 huamsung Hausa sem masa te

Kum 100 huamsung Hausa sem masa te THALMUAL KHUASAT ZAWH KUM 100 (Century) HUAM SUNG HAUSA SEMTE (1896-2009) 1) Pu Vum Pau (Sukte) 1896-1926 dong kum 20 sung khuasung ki-ukna lam-ah Hausa. 2) Pu … Read more about Kum 100 huamsung Hausa sem masa te

1991 khua kisiatciang huhna ki ngahte

1991 khua kisiatciang huhna ki ngahte 1991 Khua Kisiat ciang, Tedim Gam-uk Zumpi pan huhna hong ngetsak 1) Kumpi pan huhna Ks 180055/- 2) Tuiphum pawlpi pan Ks 359350/- 3) Zum tuamtuam pan Ks … Read more about 1991 khua kisiatciang huhna ki ngahte

Thalmual Khua ah Biakna hong tunna

Thalmual Khua ah Biakna hong tunna Pawlpi min Pawlpi phutte Pawldin kum 1. ABM, (Tuiphum pawlpi)- Pu PhungKhai- Buansing)-1930 2. RCM,(RC pawlpi)- (1) Pu Tun Do Cin- (Gualnam)-1948 (2) Pu Thang … Read more about Thalmual Khua ah Biakna hong tunna

Thalmual Khua siatna leh kikhenna

Thalmual Khua siatna leh kikhenna THALMUAL KHUA SIATNA LE KIKHENNA 1930 kumin a masa pen Thalmual khua kicimin,inn 3 kisia hi. 1949 kumin a 2 veina Thalmual khua kicimin, inn 10 kisia,mi- si om … Read more about Thalmual Khua siatna leh kikhenna

Khuasung Nuntakzia, Beh, Biakna, kizopna Lampi te

Khuasung Nuntakzia, Beh, Biakna, kizopna Lampi te THALMUAL MITE’ NUNTAK ZONNA, NASEP Thalmual khua a tamzaw te’ nuntakna pen lokho nasep a hihi. A khawhsa kham mahmah hi. Lokho nasep kawm in … Read more about Khuasung Nuntakzia, Beh, Biakna, kizopna Lampi te

Thalmual khuasat Suante beh hong tunna leh paikhiatna

Thalmual khuasat Suante beh hong tunna leh paikhiatna Pu Buansingte leh Suante Kalzaang pan Saizaang, Kap- tel, Muallum, Thalmual khuas at dongin kithuah khawm uh hi. Thalmual khua sat Pu Thual Suan’ … Read more about Thalmual khuasat Suante beh hong tunna leh paikhiatna

Kaptel gam leinading Falam ukpi Cun Bik in akalh teng

Kaptel gam leinading Falam ukpi Cun Bik in akalh teng KAPTEL GAMLEINA DINGIN FALAM UKPI, CUN BIK IN A NUAI-A TENG KALH HI 1) Falam galsim na-ah a mat uh Khuangleng Hausapa’ tanu, Vansingi 2) … Read more about Kaptel gam leinading Falam ukpi Cun Bik in akalh teng

Thalmual khua tawh kisai Article suahsaknop aomhia?

Thului suahsaknop te hongkhak vemaw

Hih "Contact Us" namek vemaw

Copyright © 2016 THALMUAL.COM · Developed & Maintained by Zomi Daily